امتحانِ زبان‌های بین‌المللی (انگلیسی و عربی) کاندیدانِ بست‌های کادری پوهنتون‌های تعلیم وتربیه کابل، فاریاب و بامیان اخذ گردید!
روز شنبه موُرخ 29/2/1403 مطابقِ 10/11/1445 ه.ق. امتحانِ زبان‌های بین‌المللی (انگلیسی و عربی)کاندیدان بست‌های کادری پوهنتون‌های تعلیم و تربیه کابل، فاریاب و بامیان، در مرکز تکنالوژی معلوماتی(ICT) پوهنتونِ تعلیم وتربیه کابل اخذ گردید.
در آغاز، محترم شیخ الحدیث سید بشیر آغا "هامشی" رئیس پوهنتون، ضمن خوش آمدید به کاندیدان بست‌های کادری، به استادان و تیم تخنیکی راجع به چگونه‌گی امتحان توصیه‌های لازم کرده و به تمام اشتراک کنندهگان از شفافیت کامل و امانت‌داری در امتحان اطمینان دادند.
هم‌چنان، پوهاند دوکتور جمشیدخان "رشیدی" معاون امور علمی پوهنتون، راجع به شفافیت در امتحان و پروسیجر امتحان به همه اشتراک کنندهگان معلومات کامل ارائه کرد.
بعداً، محترم، محمدمنصور "واحدی" آمر تکنالوژی معلوماتی پوهنتون، به اشتراک کنندهگان راجع به سیستم امتحان آنلاین معلومات همه جانبه را ارائه کرد.
قابل ذکر است که امتحانِ تخصصی(تحریری) کاندیدان موفق امتحان زبان‌های بین‌المللی (انگلیسی و عربی) روز یک‌شنبه موُرخ 30/2/1403 مطابقِ 11/11/1445 ه.ق. در پوهنتون تعلیم و تربیه کابل اخذ می‌گردد.
