کابل ښوونې او روزنې پوهنتون محصلینو بامیانو ولایت ته علمي سفر وکړ!
پنجشنبې ورځ د ٢٦/٧/١٤٠٣ هـ.ش چې له ١٤/٤/١٤٤٦ هـ.ق نېټې سره سمون لري د کابل ښوونې او روزنې پوهنتون د فزیک او تاریخ څانګو محصلینو بامیانو ولایت ته علمي سفر وکړ.
په یاد سیر علمي کې د کابل ښوونې او روزنې پوهنتون استادانو، محصلانو خدماتو چارو مسؤول او د فزیک او تاریخ څانګو محصلینو ګډون درلود.
د کابل ښوونې او روزنې پوهنتون رئیس ښاغلي شیخ الحدیث سید بشیرآغا"هاشمي" محصلینو ته د ښه سفر غوښتلو ترڅنګ په خپلو خبرو کې یې محصلینو ته د بامیانو ولایت تاریخي آثارو د ارزښت اړوند معلومات ورکړل او محصلینو ته یې په راتلوونکې کې د نورو سیر علمي برنامو ترتیب کولو وعده ورکړه، زیاته یې کړه: د یاد سیر علمي هدف او موخه د بامیانو ولایت تاریخي او باستاني آثارو سره د محصلینو بلدتیا ده، کوښښ وکړئ چې له دې سیرعلمي څخه ډک لاسونه بېرته راستانه شئ.
د یادونې وړ ده چې په یاد سیر علمي کې به محصلین د بامیانو ولایت له تاریخي او باستاني برخو او یاد ولایت کې د سولر سیستم پروژو څخه لیدنه وکړي.
