کابل ښوونې او روزنې پوهنتون رئیس د (۱۴۰۳) کال "خزاني سمسټر" د ماسټرۍ برنامو د ازموینو له جریان څخه لیدنه وکړه!
یکشنبې ورځ د ٢٧/٦/١٤٤٦ هـ ق چې له ٩/١٠/١٤٠٣ ه.ش نېټې سره سمون لري کابل ښوونې او روزنې پوهنتون رئیس د (۱۴۰۳) کال "خزاني سمسټر" د ماسټرۍ برنامو د ازموینو له جریان څخه لیدنه وکړه.
د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" او د بېلابېلو ماسټرۍ برنامو صنفونو د ازموینو له صحنې څخه له نیږدې لیدنه وکړه او د پوهنتون محصلینو څخه یې په ازموینو کې د شفافیت، امانتدارۍ، نظم او ډسپلین اړوند ډاډ ورکړ، ټولو محصلینو په ازموینو کې د شفافیت له شتون څخه خوشحالي څرګنده کړه، زیاته یې کړه: د استادانو لخوا په ښه سلوک او رویې سره ازموینې اخیستل کیږي او ازموینو کې د ړونتیا او شفافیت اړوند مونږ راضي یاستو.
همدارنګه، د پوهنتون رئیس ښاغلي "هاشمي" ټولو استادانو ته د لوړو زده کړو وزارت د اصولو او مقرراتو مطابق د ازموینو اخیستلو اړوند توصیه وکړه، زیاته یې کړه: خوشحاله یو چې د استادانو لخوا د پوره روڼتیا او شفافیت په شتون کې ازموینې اخیستل کیږي.
