کابل ښوونې او روزنې پوهنتون استادانو ته یو ورځنی لارښودي ورکشاپ دایر شو!
سه شنبه- ۲۰،۲،۱۴۴۸ه.ق
کابل ښوونې او روزنې پوهنتون علمي چارو معاونیت اړوند د استادانو مسلکي پراختیا امریت له لوري د بدني روزنې او ورزشي علومو پوهنځي په همکارۍ د یاد پوهنځي استادانو ته د ورزش په برخه کې لومړنۍ مرستې ترسرلیک لاندې یو ورځنی لارښودي ورکشاپ دایر شو، چې پکې د لومړنیو ورزشی مرستو سره بلدتیا او عملاً د یادو مرستو رسولو اړوند هراړخیز بحث او خبرې وشوې.
دغه ورکشاپ د بدني روزنې او ورزشي علومو پوهنځي استادانو ته جوړ شوی وو، ترڅو یاد استادان په ورزشي میدانونو کې د لومړینو ورزشي مرستو رسولو سره بلدتیا ترلاسه کړي او په دې برخه کې له کومې ستونزې سره مخ نشي.
ورسته له مقدماتي خبرو یاد ورکشاپ د بدني روزنې او ورزشي علومو پوهنځي استادانو پوهاند دوکتور محمدشفیع سخی زاده او پوهنمل دوکتور سید عبیدالله حمیدي له لوري وړاندې شو او د لومړنیو ورزشي مرستو رسولو اصولو او ضروري موادو اړوند یې ګډونوالو سره اړین معلومات شریک کړل.
د نشراتو او عامه اړیکو امریت
