د شهید استاد رباني ښوونې او روزنې پوهنتون او د عامې روغتیا وزارت تر منځ هوکړه لیک لاسلیک شو
د ۱۳۹۹ کال د شنبې په ورځ د لیندۍ په ۲۹مه، د شهید رباني ښوونې او روزنې پوهنتون د اروا پوهنې پوهنځی او د عامې روغتیا وزارت د رواني روغتیا څانګې رئیسانو له خوا دوه اړخیزه هوکړه لیک لاسلیک شو. د دې هوکړه لیک هدف د رواني روغتیا وده او په هیواد کې د رواني روغتیا خدماتو ښه کولو لپاره ګډې هڅې کول دي.
په غونډه کې د شهید استاد رباني ښوونې او روزنې پوهنتون رئیس آغلې پوهنوال لیلما شریفی یما ، د اروا پوهنې پوهنځی رییس آغلې پوهنوال زهره ولید رحماني ، د رواني روغتیا د څانګې آمر ډاکټر بشیر احمد سروريٍ، د اروا پوهنې پوهنځي استادانو او د عامې روغتیا په وزارت کې د رواني روغتیا متخصصینو ګډوون درلود.
