کابل ښوونې او روزنې پوهنتون محصلانو چارو معاونیت اړوند د نه ګوني پوهنځیو له تدریسي مدیرانو سره غونډه ترسره شوه!
یکشنبې ورځ د ١٤/١٠/١٤٠٤ ه.ش چې له ١٤/٧/١٤٤٧ ه.ق نېټې سره سمون لري د کابل ښوونې او روزنې پوهنتون محصلانو چارو معاونیت اړوند د نه ګوني پوهنځیو له تدریسي مدیرانو سره د(اچ-ای- ام-آی- اس)سیسټم څخه د جدولونو چاپولو په پار غونډه ترسره شوه.
غونډه د قرانکریم د څو مبارکو آیاتونو په تلاوت سره پیل شوې.
لومړۍ، د کابل ښوونې او روزنې پوهنتون د محصلانو چارو مرستیال ښاغلي مولوي رحمان ګل"وثیق" د غونډې ګډونوالو ته د ښه راغلاست ترڅنګ، وویل: یاده غونډه په روان کال کې د(اچ-ای- ام-آی- اس) سیسټم له طریقه د ١٤٠٤ کال د محصلینو فراغت جدول چاپ کولو اړوند نیول شوې، زیاته یې کړه هیله لرو چې د یاد سیسټم په غني کولو کې د مسؤلینو لخوا اړین فعالیتونه ترسره شي، د روان کال فراغت جدولونه چاپ شي او یاد سیسټم کې ستونزې په ټولو برخو کې حل شي، همدارنګه یې د ژمني رخصتیو کې د محصلینو لخوا د مونوګرافونو په لیکلو کې ګډونوالو ته اړینې سپارېښتنې وکړې.
همدارنګه، د غونډو ګډونوالو د لاندې موضوعاتو: د جدولونو چاپولو، یادشوي سیسټم کې د ستونزو حل یاد سیسټم پیاوړي کولو او لنډمهاله ورکشاپونو او سیمینارونو ته د محصلینو معرفي کولو، اړوند بحث او خبرې وکړې.
د غونډې په پای کې، د کابل ښوونې او روزنې پوهنتون نه ګوني پوهنځیو تدریسی مدیرانو د محصلانو چارو مرستیال سره د (اچ-ای- ام-آی- اس) له طریقه په ١٤٠٥ کال د محصلانو فراغت جدولونو چاپولو او د محصلینو ترانسکرېپټونو او ډېپلوم جوړولو کې د آسانتیاوو رامنځته کولو اړوند خپل وړاندیزونه او نظرونه شریک کړل.
غونډه د دعایې په ویلو سره پای ته ورسېده.
