کابل ښوونې او روزنې پوهنتون اداري(رهبري) شورا ناسته ترسره شوه!
دوشنبې ورځ د ١٩/٨/١٤٠٤ ه.ش چې له ١٩/٥/۱۴۴۷ ه.ق نېټې سره سمون لري د کابل ښوونې او روزنې پوهنتون اداري شورا غونډه د پوهنتون رئیس، معاونینو، پوهنځیو رئیسانو او اداري(رهبري) شورا غړو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د پیل وینا وکړه او پوهنتون کې یې د استادانو او کارمندانو د نه ستړې کېدونکو هڅو او علمي خدمتونو قدرداني وکړه. ښاغلي رئیس صاحب خپلو خبرو کې یې د لوړو زده کړو وزارت د رهبري شورا د فیصلو پر پلي کولو ټینګار وکړ او ویې ویل: کابل ښوونې او روزنې پوهنتون د استادانو د روزنې اکاډمیک مرکز دی او باید د هېواد د علمي پرمختګ په لومړۍ کرښه کې ولاړ وي. او پوهنتون باید د وزارت د ستراتیژیکو پریکړو په عملي کولو، د استادانو د ظرفیت لوړونې، او د محصلینو د علمي روزنې په برخه کې بېلګه اوسي.
وروسته، د اداري شورا غړو د لاندې موضوعاتو:
( د ریاضي دوکتورا برنامې لپاره د صنف چمتوالي، په ټاکلي وخت کې د کارمندانو لخوا د حاضری امضاء کولو، د پوهنځیو تدریسي مدیرانو سره د څانګو آمرینو همکاری نه درلودلو، د محصلینو علمي سیر برنامو د مصارفي اسنادونو ترتیب او طی مراحل کولو، د اسلامي علومو پوهنځي ملی کنفرانس لپاره د موضوع وړاندیز او د نړیوال اسکوپس دېتابېس لپاره د لاسرسی اجازې خریدارۍ) اړوند مفصل بحث او خبرې وکړې.
غونډه د دعایې په ویلو سره پای ته ورسېده
