کابل ښوونې او روزنې، لغمان، البیروني او کندز پوهنتونونو او جهان د لوړو زده کړو خصوصي مؤوسسې د کادري بستونو نوماندانو څخه د نړیوالو (انگلیسي او عربي) ژبو ازموینه واخیستل شوه!
کابل ښوونې او روزنې، لغمان، الببروني او کندز پوهنتونونو او جهان د لوړو زده کړو خصوصي مؤوسسې د کادري بستونو د نړیوالو(انګلیسي او عربي) ژبو ازموینه د دوشنبې ورځ د ١٠/١٠/١٤٠٣ ه.ش چې د ٢٨/٦/١٤٤٦ ه.ق نېټې سره سمون لري د کابل ښوونې او روزنې پوهنتون د معلوماتي تکنالوژۍ په (ای-سي-ټي)مرکز کې واخیستل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث سید بشیراغا"هاشمي" ټولو نوماندانو ته د ښه راغلاست ترڅنګ، په ټولنه کې د علم ارزښت او د استادانو مسؤولیتونو اړوند هر اړخیزې خبرې وکړې، د ازموینې اړوند یې استادانو او څارنې کمېټې ته اړیني سپارېښتنې وکړې او ټولو ګډونوالو ته یې د ازموینې په بهیر کې د پوره روڼتیا او امانتداری ډاډ ورکړ.
همدارنګه، د علمي چارو مرستیال ښاغلي پوهنمل دوکتور قدرت الله"عمرخیل" د ازموینې پروسیجر اړوند ټولو ګډونوالو سره معلومات شریک کړل.
وروسته، د کابل ښوونې او روزنې پوهنتون د معلوماتي تکنالوژۍ څانګې آمر ښاغلي محمد منصور “واحدي” د آنلاین ازموینې سیسټم اړوند ګډوونکوونکو سره اړین معلومات شریک کړل
د یادونې وړ ده چې د نړیوالو(انګليسی او عربي) ژبو ازموینه کې د کامیابو نوماندانو تحقیقي (تحریري) ازموینه سې شنبې ورځ ١١/١٠/١٤٠٣ ه.ش چې له ٢٩/٦/١٤٤٦ ه.ق. نېټې سره سمون لري په کابل ښوونې او روزنې پوهنتون کې اخیستل کیږي.
