کابل ښوونې او روزنې پوهنتون محصلینو ته د "پېژندنې-رفتاري درملنې اساساتو او اصولو" ترسرلیک لاندې یو میاشتنۍعلمي ورکشاپ پیل شو!
دوشنبې ورځ د ٢٨/٦/١٤٤٦ ه.ق چې له ١٠/١٠/١٤٠٣ ه.ش نېټې سره سمون لري د کابل ښوونې او روزنې پوهنتون د محصلانو چارو معاونیت د مشاورې مرکز لخوا، محصلینو ته "پېژندنې-رفتاري درملنې اساساتو او اصولو" تر سرلیک لاندې علمي یو میاشتنۍ ورکشاپ پیل شو.
غونډه د قرآنکریم د څو مبارکو آیاتونو په تلاوت سره د محصلانو چارو مرستیال، استادانو، کارمندانو او محصلینو په ګډون پیل شوه.
لومړۍ، د کابل ښوونې او روزنې پوهنتون محصلانو چارو مرستیال ښاغلي مولوي رحمان ګل"وثیق" په خپلو خبرو کې د مشاورې مرکز مسؤولینو او استادانو څخه مننه وکړه چې یاد ورکشاپ یې پیل کړ او محصلینو ته یې د ورکشاپ ارزښت، په آرامه فضا کې د مطالعې کولو، د مطالعې وخت پېژندلو او په وخت درس ته حاضرېدلو اړوند اړینې سپارېښتنې وکړې.
یاد ورکشاپ چې یو میاشت به دوام وکړي د ښاغلي استاد پوهنیار صفی الله "محمدي" لخوا پرمخ وړل کیږي چې د (پېژندنې-رفتاري درملنې د اساساتو او اصولو سره پېژندنې، د دې درملنې کلیدي تخنیکونو زده کول، د ناسالمو افکارو پېژندنې او د هغو ځای نيونې لپاره د مثبت فکر کولو او د عملي تمرینونو ترسره کولو) موضوعات به له محصلینو سره شریک شي.
