د مالي او اداري چارو معاونیت بشري سرچینیو آمریت له لوري د کابل ښوونې او روزنې پوهنتون د اداري بستونو ازموینه واخېستل شوه!
د مالي او اداري چارو معاونیت د بشري سرچینیو آمریت لخوا د کابل ښوونې او روزنې د اداري بستونو ازموینې اخیستلو بهیر د چهارشنبې ورځ ١٥/٣/۱۴۴۶ هــ.ق. چې له ٢٨/٦/١٤٠٣ ه.ش. نېټې سره سمون لري د پوهنتون رئیس ښاغلي شیخ الحدیث سید بشیر آغا "هاشمي"، معاونینو، اداري آمرینو او بشري سرچینیو آمریت مسؤولینو په حضور کې واخېستل شوه.
کابل ښوونې او روزنې پوهنتون رئیس ښاغلي شیخ الحدیث سید بشیر آغا"هاشمي" د دې پروسې په ترسره کېدو یې خوښي څرګنده کړه، زیاته یې کړه: زمونږ هېواد او ټولنه په دې وخت کې مسلکي او متعهد کارمندانو ته ډېره اړتیا لري او ټولو نوماندانو ته یې د په دندو کې د صداقت او ایماندارۍ اړوند اړینې سپارېښتنې وکړې، همدارنګه یې د ازموینې له بهیر څخه د څارنې پرمهال د دې پروسې د شفافیت، امانتدارۍ، نظم او ډیسپلین اړوند ټولو حاضرینو ته ډاډ ورکړ، همدارنګه یې وویل: په پوهنتونونو کې د مسلکي کارمندانو د ګمارنې معیار د نوماندانو وړتیا ته په کتو سره ترسره کیږي.
د یادونې وړ ده چې د نوماندانو په حضور کې د ازموینې سوالونه د پوهنتون د ازموینو کمېټې لخوا جور شول او وروسته ازموینه په ارامه او ډاډمنه فضا کې پای ته ورسېده.
