د لوړو زده کړو وزارت اکاډمیکو چارو څارنې او ارزونې ریاست پلاوي د کابل ښوونې او روزنې پوهنتون د نه ګوني پوهنځیو او ماسټرۍ برنامو له تدریسي چارو څخه د لیدنه وکړه!
سې شنبې ورځ د ١٨/٢/١٤٠٣ ه.ش چې ٢٨/١٠/۱۴۴۵ ه.ق نېټې سره سمون لري د لوړو زده کړو وزارت اکاډمیکو چارو څارنې او ارزونې ریاست پلاوي د کابل ښوونې او روزنې پوهنتون د نه ګوني پوهنځیو او ماسټرۍ برنامو له تدریسي چارو څخه د لیدنه وکړه.
په پیل کې، د کابل ښوونې او روزنې پوهنتون رئیس ښاغلي شیخ الحدیث سیدبشیرآغا "هاشمي" خپلو خبرو کې د ښه راغلاست ترڅنګ، راغلو پلاوو ته د پوهنتون د نه ګوني پوهنځیو د رئیسانو پېژندګلوي وکړه او د پوهنتون اداراتو اړوند یې هر اړخیز معلومات ورکړل، زیاته یې کړه: الحمدالله د کابل ښوونې او روزنې پوهنتون تدریسي چارې په سمه توګه پرمخ وړل کیږي، خوشحاله یو چې پوهنتون ته مو تشریف راوړ او د پوهنځیو تدریسي چارې به له نږدې وڅېړئ، چې په دې برخه کې د پوهنتون رهبري له تاسو سره پوره همکار دی.
وروسته، لوړو زده کړو وزارت اکاډمیکو چارو څارنې او ارزونې ریاست مسؤولینو پوهنتون ته د راتګ موخه او هدف څرګند کړ، زیاته یې کړه: زمونږ مسؤولین به نن ورځ پوهنتون کې پاتې شي او د پوهنځیو او ماسټرۍ برنامو تدریسي چارې به له نږدې وڅېړي.
