کابل ښوونې او روزنې پوهنتون او خاتم النبیین پوهنتون تر منځ د دوه اړخیزو همکاریو هوکړه لیک لاسلیک شو!
سې شنبې ورځ د ٢٥/٢/١٤٠٣ ه.ش چې له ٥/١١/١٤٤٥ ه.ق نېټې سره سمون لري د کابل ښوونې او روزنې پوهنتون او خاتم النبیین پوهنتون تر منځ د دوه اړخیزو علمي او تحقیقي برخو کې هوکړه لیک د کابل ښوونې او روزنې پوهنتون رئیس ښاغلي مولوي شیخ الحدیث سید بشیر آغا "هاشمي" او خاتم النببین پوهنتون رئیس ښاغلي دوکتور عبدالقیوم "سجادي" ترمنځ لاسلیک شو.
د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا"هاشمي" د یاد هوکړه لیک اړوند خوښي څرګنده کړه، زیاته یې کړه هوکړه لیک باید د صفحو پرمخ نه وي او عملي بڼه ولري.
یاد هوکړه لیک چې په مختلفو مادو کې ترتیب شوی د کابل ښوونې او روزنې پوهنتون او خاتم النبیین پوهنتون ترمنځ ( په علمي او تحقیقي برخو کې د دواړو اړخیزو ګډه همکاريو) اړوند لاسلیک شو.
یاده غونډه د هوکړه لیک په لاسلیک او دعایې ویلو سره پای ته ورسېد.
