کابل ښوونې او روزنې پوهنتون علمي شورا غونډه ترسره شوه.
یکشنبې ورځ د 1/11/1402 ه.ش چې له 9/7/1445 ه.ق نېټې سره سمون لري د کابل ښوونې او روزنې پوهنتون علمي شورا غونډه د پوهنتون رئیس، معاونینو، پوهنځیو رئیسانو او استادانو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې د کابل ښوونې او روزنې پوهنتون رئیس ښاغلي شیخ الحدیث مولوی سید بشیر آغا "هاشمي" په خپلو خبرو کې علمي شورا غړو ته د ښه راغلاست ترڅنګ، د افغانستان ښوونیزو او لوړو زده کړو بنسټونو پیاوړتیا ملي کنفرانس د دایرېدو اړوند هر اړخیزي خبرې وکړې او مسؤولینو ته یې د کنفرانس لپاره آمادګۍ، د دندو تقسیمولو او د کنفرانس چارو په ښه توګه مخته وړلو اړوند اړینې سپارېښتنې وکړې.
همدارنګه د پوهنتون علمي شورا غړو د لاندې موضوګانو اړوند:
د ملي کنفرانس تنظیم او آمادګۍ، اسلامي فقهې دوکتورا او د حدیث په برخه کې د ماسټرۍ برنامې اېجادولو په پار د اسلامي علومو پوهنځي وړاندیز ، د ژبو او ادبیاتو او ارواپوهنې پوهنځیو د اهدافو او ماموریتو تأییدي او د استادانو تقرر، ترفېع او انفکاک دوسیو څېړلو اړوند بحث او خبرې وشوې، چې د علمي شورا غړو لخوا تأیید شوې.
غونډه د دعایې په ویلو سره پای ته ورسېده.
