کابل ښوونې او روزنې پوهنتون کې د کارمندانو او محصلینو تر منځ د سیرت النبيﷺ د سیالۍ آزموينه ترسره شوه!
پنجشنبې ورځ د ٢٦/٣/١٤٤٥ه.ق چې له ٢٠/٧/١٤٠٢ه.ش نېټې سره سمون لري د کابل ښوونې او روزنې پوهنتون د دعوت او ارشاد څانګې لخوا د اسلامي علومو پوهنځي سره په همغږۍ د پوهنتون رئیس، معاونینو، د اسلامي علومو پوهنځي رئیس، د دعوت او ارشاد څانګې مسؤولینو او د اسلامي علومو پوهنځي استادانو په ګډون د پوهنتون له کارمندانو او محصلینو څخه د سیرت النبيﷺ د سیالۍ آزموينه واخیستل شوه.
په پیل کې د اسلامي علومو پوهنځي رئیس ښاغلي شیخ الحدیث عبدالاحد جواد "غزنوي" د سیرت النبي ﷺاړوند ټولو ګډونکوونکو ته ارزښمندې خبرې وکړې او دې یادې آزموینې اخیستلو اړوند یې خوښي څرګنده کړه.
وروسته د مالي او اداري چارو مرستیال ښاغلي مولوي حضرت ولي "زبیر" د دعوت او ارشاد مسؤولینو او اسلامي علومو پوهنځي څخه مننه وکړه چې د آزموینې په اخیستلو کې یې پوره همکاري کړې ده.
همدارنګه د پوهنتون رئیس ښاغلي شیخ الحدیث مولوي سید بشیر آغا "هاشمي" او علمي چارو مرستیال ښاغلي پوهاند دوکتور جمشېدخان "رشیدي" د آزموینې له بهیر څخه د لیدنې په جریان کې د آزموینې په شفافیت او امانت دارۍ ټینګار وکړ.
په پای کې د دعوت او ارشاد څانګې آمر ښاغلي مولوي ذبیح الله "عابد" د یادې آزموینې اړوند وویل: د آزموینې هدف او موخه مو د کارمندانو او محصلینو د سیرت النبی ﷺسره د ډېرې پېژندنې او آشنایۍ په پار ده، چې راتلونکې اوونۍ کې یې پایلې اعلانیږي او راتلونکي کې به نورې داسې آزموینې هم برابرې کړو.
آزموینه په پوره رونڼتیا سره پای ته ورسېده.
