د کابل ښوونې او روزنې پوهنتون د اداري غونډې راپور:
د کابل ښوونې او روزنې پوهنتون اداري مجلس د دوشنبې په ورځ ۲۹/۱۰/1443 نېټه چې د ۹/3/1401 نېټې سره سمون خوري د سهار په 10:00 بجو د علمي چارو مرستیال پوهاند جمشید خان رشیدي په مشرۍ د قرآن کریم په څو مبارکو آیاتونو تر سره شو، چې د اجنډا له مخې لاندې پرېکړې وشوې.
1. د پوهنتون د نهو پوهنځیو د شل فیصده آزموینې اخیستلو لپاره د وخت ټاکل.
2. د پوهنتون د نارینوو او ښځینوو زده کړیالانو د نظم او ډسپلین څارنه.
3. د پوهنتون د نهو پوهنځيو د څانګو د معیارونو سره سم د زده کړیالانود داخلي ظرفیت لوړول.
4. د (HEMIS) په سیسټم کې د نهو پوهنځيو او مربوطه څانګو د شقو ثبت او شاملول.
5. د پوهنتون د نهو پوهنځيو د محصلینو د فراغت جدولونو بشپړول.
۶. د دولتي ښوونځيو د ښوونکو منلو لپاره د ظرفیت لوړول.
د غونډې په وروستیو کې وړانديزونه او نظریات وړاندې شول، چې د علمي چارو مرستیال پوهاند جمشید خان (رشیدي) له خوا د غونډې ګډونوالو ته ځوابونه وویل شول، غونډه په دعا سره پای ته ورسېده.
