امتحانِ زبان‌های بین‌المللی (انگلیسی و عربی) کاندیدانِ بست‌های کادری در پوهنتون تعلیم وتربیه کابل به شمول پوهنتون فوق از پوهنتون‌های بامیان و فاریاب و مؤسسه تحصیلات عالی پنجشیر اخذ گردید!
روز سه‌شنبه موُرخ ۹/۱۱/۱۴۰۳ مطابقِ ۲۷/۷/۱۴۴۶ ه.ق. امتحانِ زبان‌های بین‌المللی (انگلیسی و عربی) کاندیدانِ بست‌های کادری در پوهنتون تعلیم وتربیه کابل به شمول پوهنتون فوق از پوهنتون‌های بامیان و فاریاب و مؤسسه تحصیلات عالی پنجشیر در مرکز تکنالوژی معلوماتی(ای-سی-تی) پوهنتونِ تعلیم وتربیه کابل اخذ گردید.
در آغاز، محترم مولوی حضرت ولی"زبیر" معاون امور مالی و اداری پوهنتون تعلیم و تربیه کابل، ضمن خوش آمدید گویی به کاندیدان بست‌های کادری، استادان و تیم تخنیکی راجع به چگونه‌گی امتحان توصیه‌های لازم کرده و به تمام اشتراک کنندهگان از شفافیت کامل و امانت‌داری در امتحان اطمینان دادند.
هم‌چنان، محترم پوهنمل نجیب الله "بیگ‌زاد" آمر انسجام استادان پوهنتون راجع به پروسیجر امتحان به همه اشتراک کنندهگان معلومات کامل را ارائه نمود.
بعداً، محترم، محمدمنصور "واحدی" آمر تکنالوژی معلوماتی پوهنتون، به اشتراک کنندهگان راجع به سیستم امتحان آنلاین معلومات همه‌جانبه را ارائه کرد.
قابل ذکر است که امتحانِ تخصصی(تحریری) کاندیدان موفق امتحان زبان‌های بین‌المللی (انگلیسی و عربی) روز چهارشنبه موُرخ ۱۰/۱۲/۱۴۰۳ مطابقِ ۲۸/۷/۱۴۴۶ ه.ق. در پوهنتون تعلیم و تربیه کابل اخذ می‌گردد.
