د کابل ښوونې او روزنې پوهنتون کې د 1401 هــ ل کال د دولسم ټولګیو له فارغانو څخه د کانکور آزموینه واخېستل شوه !
د 1444/3/16 هــ ق کال چې د 1401/7/21 نېټې سره برابره ده، د کابل ښوونې او روزنې پوهنتون کې د کانکور آزموینې یوه ورځینۍ لړۍ په پوره شفافیت او ډاډ منه فضاء کې پای ته ورسېده.
د کابل ښوونې او روزنې پوهنتون رهبري هیت، د لوړو زده کړو وزارت، او د آزموینې ملي ادارې څخه راغلي پلاوي د امتحان له صحنې څخه له نېږې لیدنه وکړه، او د آزموینې ټولو ګډونوالو ته یې د آزموینې له بهیر څخه د څارنې پر مهال د دې پروسې د شفافیت، امانتدارۍ، نظم او ډسپلین په اړه ډاډ ورکړ.
د یادونې وړ ده چې په دې آزموینه کې په ټولیز ډول د آزموینې ملي ادارې د احصاییې پر بنسټ په یاد پوهنتون کې په جلا وختونو سهار او ماسپښین چې له جملې یې (2448) نارینه او (2448) ښځینه شاګردانو ګډون درلود.
