نشست کمیته نظارت بر تطبیق پلان ستراتیژیک پوهنتون
روز سه شنبه تاریخ 24/سرطان /1399 نشست کمیته نظارت بر تطبیق پلان ستراتیژیک پوهنتون، در دفتر ریاست پوهنتون تعلیم وتربیه شهید استاد ربانی برگزار گردید. پس از صحبت های مقدماتی محترم پوهنوال لیلما شریفی یما رئیس پوهنتون تعلیم وتربیه شهید استاد ربانی، به منظور تطبیق پلان ستراتیژیک پوهنتون به این کمیته هدایات زیر سپرده شد:
1. مقایسه پلان ستراتیژیک با پلان عملیاتی- تطبیقی پوهنتون.
2. ارائه گزارش در صورت تطبیق، اجرا، دلایل عدم اجرای پلان فوق الذکر.
تا با روشن شدن موضوعات آتی برای پنج سال آینده دیدگاه، ماموریت، اهداف و پلان ستراتیژیک جدید تدوین یابد. جلسه با دعای خیرخاتمه یافت.
