د کابل ښوونې او روزنې پوهنتون او سهار ستوري انکشافي مؤسسې ترمنځ د روغتیايي کلینیک پروژې هوکړه لیک لاسلیک شو.
د کابل ښوونې او روزنې پوهنتون ښوونکو، اداري کارکوونکو او زده کړیالانو ته د روغتیایي خدمتونو وړاندې کولو، او د شریکو موخو پلي کولو په پار، د دوه اړخیزه هوکړه لیک لاسلیک، د ښوونې او روزنې پوهنتون د رهبرۍ هئیت او د دغې مؤسسې با صلاحیته هئیت په ګډون د پوهنتون د علمي چارو مرستیال ښاغلي پوهاند دکتور جمشېد خان رشیدي او یادې مؤسسې با صلاحیته هیٔت ترمنځ هوکړه لیک نن د سې شنبې په ورځ د 1444/7/9 نېټه لاسکلیک شو.
د دغه هوکړه لیک پر بنسټ به نوموړې مؤسسه خپلې ټولې روغتیایي کړنې د هېواد نافذه قوانينو او مقرراتو په پام کې نیولو سره پلي کوي او د پوهنتون کارمندانو او زده کړیالانو ته به په روغتیايي برخه کې په خپل وخت لازمې اسانتیاوې برابر وي.
