د کابل ښوونې او روزنې پوهنتون او بامیانو پوهنتون د کادري بستونو آزموینه واخېستل شوه.
د شنبې په ورځ 1444/6/28 ق نېټه د کابل ښوونې او روزنې پوهنتون د علمي چارو مرستیال پوهاند دکتور جمشېد خان (رشیدي) د پوهنتون د ژبو ادبیاتو پوهنځی د انګلیسي څانګې آمر عبدالجلیل (کهدستاني) او د معلوماتي تکنالوژۍ آمر محمد منصور (واحدي) د آزموینې له بهیر څخه د لیدنې پر مهال استادانو ته سپارښتنه وکړه، چې ګډونوالو نوماندانو ته په ښه توګه لارښوونه وکړي او آزموينه دې د علمي نورمونو او اصولو سره سمه په شفافه توګه واخېستل شي، چې د هغوي له خوا د اجرااتو ډاډ ورکړل شو.
د انګلیسي ژبې آزموینه د کابل ښوونې او روزنې پوهنتون د بېلابېلو پوهنځیو او ډیپارټمینټونو او د بامیانو پوهنتون د روان شناسۍ، پیداګوژي څانګو د اعلان شویو کادري بستونو لپاره واخېستل شوه.
همدارنکه د علمي چارو مرستیال ښاغلي رشیدي د کمېټې غړو ته د آزموینې په شفافیت باندې ټینګار وکړ، او د دې پروسې د شفافیت، امانت دارۍ نظم او ډسپلین په اړه یې ټولو حاضرینو ته ډاډ ورکړ چې، په پوهنتونو کې د علمي کادر د استخدام معیار د کاندایدانو وړتیا ته په کتو تر سره کېږي.
د یاد پوهنتون د تکنالوجۍ آمر محمد منصور (واحدي) د آزموینې په اړه لنډ معلومات ورکړل، چې آزموېنه به په شفاف ډول د (Program(OEP)Online Exam) له لارې اخستل کېږي، چې دا سستم پرته له کوم جعل او لاس وهنې څخه خوندي دی او د آزموېنې پای ته رسېدو وروسته بې له کوم ځنډ نتيجه اعلانېږي، استادان او د آزموینې هیئت او ګډونوال کولای شي چې په یو وخت او یو ځای د آزموېنې نتیجه د کمپیوتر پر مخ وګوري.