امتحانِ زبان‌های بین‌المللی (انگلیسی و عربی) کاندیدانِ بست‌های کادری پوهنتون‌های تعلیم وتربیه کابل، پولی تخنیک کابل و بامیان اخذ گردید!
روز پنجشنبه موُرخ 16/1/1403 مطابقِ 25/9/1445 ه.ق. امتحانِ زبان‌های بین‌المللی (انگلیسی و عربی)کاندیدان بست‌های کادری دیپارتمنت‌های: زبان و ادبیات دری، تاریخ، تکنالوژی معلوماتی، حفاظت محیط زیست و فزیک قشر(ذکور) پوهنتون تعلیم و تربیه کابل، دیپارتمنت‌های فزیک شتوی و تاریخ پوهنتون پولی تخنیک کابل و دیپارتمنت‌های: کیمیا، مدیریت آموزشی و جامعه شناسی پوهنتون بامیان، در مرکز تکنالوژی معلوماتی(ICT) پوهنتونِ تعلیم وتربیه کابل اخذ گردید.
امحتان با تلاوت چند آیات از قران‌مجید آغاز گردید.
نخست، محترم پوهاند دوکتور جمشیدخان "رشیدی" معاون امور علمی پوهنتون، ضمن خوش آمدید به کاندیدان بست‌های کادری، به استادان و تیم تخنیکی راجع به چگونه‌گی امتحان توصیه‌های لازم کرده و به تمام اشتراک کنندهگان از شفافیت کامل و امانت‌داری در امتحان اطمینان دادند و راجع به پروسیجر امتحان به همه اشتراک کنندهگان معلومات کامل ارائه کرد.
بعداً، محترم، محمدمنصور "واحدی" آمر تکنالوژی معلوماتی پوهنتون، به اشتراک کنندهگان راجع به شفافیت در امتحان و سیستم امتحان آنلاین معلومات همه جانبه را ارائه کرد.
قابل ذکر است که امتحانِ تخصصی(تحریری) کاندیدان موفق امتحان زبان‌های بین‌المللی (انگلیسی و عربی) روز شنبه موُرخ 18/1/1403 مطابقِ 27/9/1445 ه.ق. در پوهنتون تعلیم و تربیه کابل اخذ می‌گردد.
