کابل ښوونې او روزنې پوهنتون، پي-دي-سي تالار کې د پوهنتون استادانو لخوا ترسره شویو څېړنو پایلې د علمي سیمینار په ترڅ کې د پوهنې وزارت، کابل ښاروالۍ، چاپېریال ساتنې ملي ادارې امر بالمعروف او نهی عن المنکر او تخینکي او مسلکي ادارې راغلو پلاوو سره شریکې شوې!
یکشنبې ورځ ٢٣/١٢/۱۴۴۵ هــ ق چې له ١٠/٤/١٤٠٣ ه.ش نېټې سره سمون لري کابل ښوونې او روزنې پوهنتون، پي-دي-سي تالار کې د پوهنتون استادانو لخوا ترسره شویو څېړنو پایلې د علمي سیمینار په ترڅ کې د پوهنې وزارت، کابل ښاروالۍ، چاپېریال ساتنې ملي ادارې امر بالمعروف او نهی عن المنکر او تخینکي او مسلکي ادارې راغلو پلاوو سره شریکې شوې.
سیمینار د قرآنکریم د څو مبارکو آیتونو په تلاوت سره پیل شو.
لومړۍ، د پوهنتون رئیس ښاغلي سید بشیر آغا"هاشمي" د غونډې ګډوونکونکو ته د ښه راغلاست ترڅنګ د یاد سیمینار په دایرېدو خوښي څرګنده کړه، زیاته یې کړه: استادان د ټولنې یو مهمه برخه ده او باید استادان د علم او زده کړو او څېړنو برخو کې پوره زیار وباسي، همدارنګه یې استادانو ته په څېړنو کې د نویو میتیودونو څخه ګټه اخیستلو، اړوند اړینې سپارېښتنې وکړې.
په پای کې د (٤) تنو استادانو لخوا ترسره شوې څېړنې د سیمینار په ترڅ کې ګډوونکونکو سره شریکې شوې.
