کابل ښوونې او روزنې پوهنتون رهبرۍ شورا غونډه ترسره شوه!
دوشنبې ورځ د ١٧/٧/١٤٠٢ه.ش چې له ٢٤/٣/١٤٤٥ ه.ق نېټې سره سمون لري د کابل ښوونې او روزنې پوهنتون رهبرۍ شورا غونډه د پوهنتون رئیس، معاونینو، پوهنځیو رئیسانو او استادانو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې د پوهنتون رهبرۍ لخوا د بدني روزنې او ورزشي علومو پوهنځي استادانو او مسؤولینو ته، چې د والیبال ټورنمنټ سیالۍ یې په بریالیتوب سره پای ته ورسولې، ستاینلیکونه ورکړل شول.
وروسته کابل ښوونې او روزنې پوهنتون رئیس ښاغلي شیخ الحدیث مولوی سید بشیر آغا "هاشمي" په خپلو خبرو کې رهبرۍ شورا غړو ته د ښه راغلاست ترڅنګ د استادانو په ټاکلي وخت د تدریسي چارو مخته وړلو او د کارمندانو او کارکوونکو د حاضرۍ او په ټاکلي وخت خپلو مسؤولیتونو ته د رسېدلو په پار اړینې سپارښتنې وکړې.
همدارنګه د پوهنتون رهبرۍ شورا غړو د لاندې موضوګانو اړوند بحث او خبرې وکړې:
د څېړنې او علمي مجلې او علمي چارو معاونیتونو لخوا د پوهنتون ژورنالونو څېړل او د استادانو مقالو کمپوز او اډېت لپاره د دوه سافټ ویرونو پېرل، د کارمندانو او کارکوونکو د حاضرۍ او وظیفوي مسؤلیتونو
ته په سمه توګه رسیدګي کولو او په ټاکلي وخت د استادانو تدریسي چارو مخته وړلو په پار بحث او خبرې وشوې.
غونډه د دعایې په ویلو سره پای ته ورسېده.
