د افغانستان ښوونیزو او لوړو زده کړو بنسټونو د پیاوړتیا ملي کنفرانس مقدماتي غونډه ترسره شوه!

شنبې ورځ د ٢٧/٨/١٤٠٢ه.ش چې له ٤/٥/١٤٤٥ه.ق نېټې سره سمون لري د افغانستان ښوونیزو او لوړو زده کړو بنسټونو د پیاوړتیا ملي کنفرانس مقدماتي غونډه د لوړو زده کړو وزارت د علمي چارو معین او د تحقیق، تألیف او ترجمې رئیس، د پوهنې وزارت د تضمین کیفیت او د اداري او منابعو معینانو، د کابل ښوونې او روزنې پوهنتون رئیس، مرستیالانو، پوهنځیو رئیسانو، استادانو او کارمندانو په ګډون  ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
لومړی د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" په خپلو خبرو کې د غونډې ګډونکوونکو ته د ښه راغلاست ترڅنګ وویل:  د داسې علمي او څېړنیزو کنفرانسونو منځته راوړل، مونږ د پرمختګ او ترقۍ لور ته هڅوي؛ خصوصاً په ښوونیزو او تحصیلي بنسټونو کې او د الله (ج) له در باره هیله مند یم چې راتلونکې کې هم په تحصیلي او ښوونیزو برخو کې  داسې کنفرانسونه دایر شي.
وروسته ښاغلي دوکتور لطف الله "خیرخوا" د لوړو زده کړو وزارت علمی چارو معین، ښاغلي الحاج مولوي عبدالخالق "صادق" د پوهنې وزارت د تضمین کیفیت معین، ښاغلي دوکتور حمیدالله "مزمل"  د لوړو زده کړو وزارت د تحقیق، تألیف او ترجمې رئیس او مولوي صبغت الله "وصیل" د پوهنې وزارت د اداري او منابعو معین په خپلو خبرو کې د کنفرانس ارزښتونو او ګټو اړوند اړینې خبرې وکړې.
د غونډې په جریان کې ښاغلي پوهنیار طاووس "محمدي" د څېړنو او علمي مجلې مرستیال د ملي کنفرانس ترسره شویو کړنو/فعالیتونو ګزارش، ښاغلي دوکتور پوهندوی امید "افغان" د کنفرانس موخو او اهدافو، ښاغلي پوهندوی سید عبدالصمد "مشتاق" د کنفرانس لپاره د مقالو لیکلو لارښود او امتیازاتو او ښاغلي دوکتور سید اقبال "هاشمي"  د کنفرانس وېب سایټ اړوند هر اړخیز  معلومات ورکړل. 
په آخر کې غونډه د خیر دعایې په ویلو سره پای ته ورسېده.