١٤٠٥ کال کې د نصاب تطبیق او درسي مفرداتو وېش اړوند ورکشاپ ترسره شو!
شنبه- ١/١١/١٤٤٧ ه.ق
کابل ښوونې او روزنې پوهنتون، علمي چارو معاونیت اړوند د پوهنتون نصاب کمېټې غړو ته د کورس پالیسی او درسي موادو مفرداتو اړوند یو ورځنی ورکشاپ ترسره شو چې د نصاب تطبیق، استادانو کورس پالیسی، درسي موادو مفرداتو وېش اړوند بحثونه وشول.
په پیل کې، د علمي چارو مرستیال مولوي احسان الله ناصح خپلو خبرو کې د نصاب کیفیت لوړولو، استادانو ترمنځ همغږۍ زیاتولو او تدریسي معیارونو پیاوړتیا پر اهمیت ټینګار وکړ. نوموړي د شته ستونزو د حل په موخه لازمې لارښوونې وړاندې کړې او اړوند مسؤلینو ته یې دنده وسپارله چې د نصاب تطبیق کولو بهیر کې زیار اوباسي او د عملي کېدو لپاره لازم اقدامات ترسره کړي.
ورکشاپ د پوهاند عبدالواسع عظیمی له لوري وړاندې شو او له ګډونوالو سره د نصاب تطبیق، کورس پالیسی او درسي موادو مفرداتو وېش اړوند معلومات شریک شول.
همدارنګه د تدریسي بهیر پر مهال د شته ستونزو، نیمګړتیاوو او ننګونو په اړه د کمېټې د غړو نظریات او وړاندیزونه واورېدل شول، د یادو وړاندیزونو حل لپاره اړینې پرېکړې شوې او هوډ څرګند چې د روان سمسټر درسي بهیر به د یو منظم، معیاري او اغېزمن نصاب پر بنسټ پرمخ یووړل شي او هېڅ ډول ستونزې به شتون ونه لري.
