امتحانِ زبان بین‌المللی (انگلیسی) کاندیدانِ بست‌های کادری پوهنتونهای تعلیم وتربیه کابل، بامیان، البیرونی و فاریاب اخذ گردید!
روز سه شنبه موُرخ 12/10/1402 مطابقِ 19/6/1445 ه.ق. امتحانِ کاندیدان بست‌های کادری پوهنتونهای تعلیم و تربیه کابل، بامیان، البیرونی و فاریاب در مرکز آی سی تی (ICT) پوهنتون تعلیم و تربیه کابل اخذ گردید.
در آغاز، محترم شیخ الحدیث مولوی سید بشیر آغا "هاشمی" رئیس پوهنتون تعلیم و تربیه کابل، به استادان و تیم تخنیکی راجع به چگونه‌گی امتحان توصیه‌های لازم کرده و به اشتراک کنندهگان از شفافیت کامل و امانت‌داری در امتحان اطمینان دادند.
هم‌چنان، محترم پوهنمل نجیب الله"بیگزاد" آمر انسجام استادان پوهنتون، پروسیجر امتحان را به اشتراک کنندهگان تشریح کرد.
در آخر، محترم محمدمنصور "واحدی" آمر تکنالوژی معلوماتی پوهنتون، راجع به امتحان معلومات داده، افزودند: امتحان به طور شفاف توسط(Program Online Exam(OEP)) اخذ می‌گردد و این سیستم از جعل و دست‌‌کاری محفوظ می‌باشد که بعد از به پایان رسیدنِ امتحان نتیجه سریع اعلان می‌گردد. استادان، هئیت امتحان و اشتراک کننده گان هم‌زمان می‌توانند نتیجه امتحان را به روی صفحه سیستم مشاهده نمایند.
قابل ذکر است که امتحانِ تخصصی(تحریری) کاندیدان موفق امتحان زبان بین‌المللی (انگلیسی) بعداً از صفحه رسمی پوهنتون اعلان می‌گردد.
