کابل ښوونې او روزنې پوهنتون علمي شورا غونډه ترسره شوه.
دوشنبې ورځ د ٣٠/٧/١٤٠٣ ه.ش چې له ١٨/٤/١٤٤٦ ه.ق نېټې سره سمون لري د کابل ښوونې او روزنې پوهنتون علمي شورا غونډه د پوهنتون رئیس، معاونینو، پوهنځیو رئیسانو او استادانو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په خپلو خبرو کې د علمي شورا غړو ته د ښه راغلاست ترڅنګ یې هغو استادانو ته چې علمي ترفېع یې اخیستي مبارکي ورکړه او د اداري سلسله مراتبو رعایت کولو، په شفافه توګه د شل فیصدو ازموینو اخیستلو، د معاونیتونو او پوهنځیو ترمنځ همغږۍ او د محصلینو نظم او دسپلین اړوند یې ګډوونکونکو ته اړینې سپارېښتنې وکړې.
د غونډې په جریان کې د پوهنتون علمي شورا غړو د لاندې موضوګانو اړوند:
ژورنالونو ته د پوهنتون مقالو لېږلو، د محصلینو د محرومیت او مونوګرافونو دفاع اړوند بحث، د مذاهبو، ادیانو او عقیدې، حدیثو او د علوم حدیث او ښوونیزې پلان ګزارۍ او پالیسی ديپارتمنتونو اېجادولو تأییدي، د علمي چارو معاونیت اړوند د ١٤٠٣ کال دوه ربعو ګزارشونو تأییدي، د نه ګوني پوهنځیو د دویمې ربعې ګزارشونو تأییدي او د استادانو تقرر، ترفېع او انفکاک دوسیو څېړلو اړوند بحث او خبرې وشوې چې د علمي شورا غړو لخوا تأیید شوې.
غونډه د دعایې په ویلو سره پای ته ورسېده.
