کابل ښوونې او روزنې پوهنتون اداري شورا غونډه ترسره شوه!
سې شنبې ورځ د ٣٠/١٠/١٤٠٤ ه.ش چې له ٣٠/٧/١٤٤٧ ه.ق نېټې سره سمون لري د کابل ښوونې او روزنې پوهنتون اداري شورا غونډه د پوهنتون رئیس، معاونینو، پوهنځیو رئیسانو او اداري(رهبري) شورا غړو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې، د کابل ښوونې او روزنې پوهنتون رئیس ښاغلي شیخ مولوي عبدالحکیم"حمدي" د پیل وینا وکړه او پوهنتون کې یې د استادانو او کارمندانو د نه ستړې کېدونکو هڅو او علمي خدمتونو قدرداني وکړه. زیاته یې کړه: هیله مند یو چې استادان د ژمني رخصتیو څخه په ګټه اخیستنې سره د څېړنې برخه کې خپلې هڅې جاري وساتي، علمي مقالې ولیکي او د ورکشاپونو او سیمینارونو په دایرولو کې له پوهنتون سره پوره همکار اوسي، همدارنګه ښاغلي رئیس صاحب خپلو خبرو کې وویل: د محصلینو لپاره تقویتي کورسونه باید په نورمال ډول پرمخ ولاړ شي او د څېړنو، مقالو لیکلو، تقویتي کورسونو او سیمینارو په ترسره کولو کې پوره زیار او کوښښ وشي.
وروسته، د اداري شورا غړو د لاندې موضوعاتو:
(عمومي کتابتون لپاره د مناسب ځای تنظیم، دوکتورا او ماسټرۍ برنامو د وسایلو او تجهیزاتو خرایداري، پر وخت د مکتوبونو ځواب، پوهنځیو لپاره د ځانګړې قرطاسیې پام کې نیولو، استراتیژیک پلان له تطبیق څخه څارنه، نوښتګرو محصلینو لپاره د پالیسی جوړولو او متفرقه موضوعاتو) اړوند مفصل بحث او خبرې وکړې.
غونډه د دعایې په ویلو سره پای ته ورسېده.
وتساپ چینل:
https://whatsapp.com/channel/0029VbAsMnh0wajldV58L945
ټویټر(ایکس):
https://x.com/KEU44466?t=umeNUEJD0dYohQgBpStLLg&s=09
فیسبوک:
https://www.facebook.com/profile.php?id=100086601634771&mibextid=ZbWKwL
ویبسایت:
Keu.edu.af
یوتیوب:
https://youtube.com/@kabuleducationuniversityuser44?
وتساپ گروپ:
https://chat.whatsapp.com/
LsFPrU2PDeS6jqF1m0XMDq
صفحه رسمي ژورنالهای پوهنتون
https://www.facebook.com/profile.php?
id=61577701660030
