تاریخچه
د ټولنيزو علومو پوهنځی په ۱۳۶۲ زيږديز کال کې د وخت د پيداګوژۍ د انستيتوت په چوکاټ کې رامينځته شو. په ۱۳۸۳ زيږديز کال کې يې په چوکاټ کې د ټولنپېژندنې ډيپارټمنټ هم جوړ شو. د دې پوهنځي په چوکاټ کې د معاصر تاريخ د جوړيدو وړانديز د اکاډميکو چارو د انسجام په رياست کې دی او په پام کې ده چې ډير ژر ياد ډيپارټمنټ هم د فارغ نه ورکوونکي ډيپارټمنټ په توګه د ټولنيزو علومو د پوهنځي په چوکاټ کې فعاليت پيل کړي.
موخې
علوم په ټولنه کې ښه ژوندانه کولو په برخه کې مهم رول لوبوي، له همدې امله د ټولنيزو علومو پوهنځی د لسانس په کچه د څيړنو او تدريس په برخه کې فعاليت کوي.
عمومي موخه
په ټولنيزه پوهه د سمبالو کادرونو د روزنې له لارې په ژوندانه کې د امن او نظم راوستل.
خصوصي موخې
１-د مرکز او ولايتونو د لوړو زده کړو د مؤسسو او دارالمعلمينونو لپاره د تاريخ، جغرافيې او ټولنپېژندنې په څانګو کې په ټولنيزه پوهه د سمبالو کادرونو روزل.
２- د ښوونې او روزنې پوهنتون په نهو واړو پوهنځيو کې د معاصر تاريخ د تدريس له لارې د افغانستان د معاصر تاريخ په اړه له نويو تحليلو او نظرياتو د محصلينو خبرول.
اوسنی حالت
د ټولنيزو علومو پوهنځی اوسمهال په دوو برخو کې فعاليت کوي:
１-په ورځنيو، شبانه او داخل خدمت ټايمونو کې د تاريخ، جغرافيې او ټولنپېژندنې په څانګو کې د لسانس په کچه د ځوانو کادرونو روزل.
２-د ښوونې او روزنې پوهنتون په نهو واړو پوهنځيو کې د معاصر تاريخ د مضمون تدريسول.
راتلونکی پلان
د ټولنيزو علومو پوهنځی په پام کې لري چې د لاندې پلانونو د تحقق لپاره هڅې وکړي:
１-د تاريخ او جغرافيې په څانګو کې د ماسټرۍ پروګرام پيلول؛
２-د پوهنځي د استادانو د طرفيتونو د لوړولو په موخه ماسټرۍ او دکتورا په کجه د تحصيلي بورسونو جذبول؛
３-د لرغونپېژندنې د ډيپارټمنټ جوړول؛
４-د پوهنځي په کچه د مجهز کتابتون جوړول؛
５-د جغرافيې د ډيپارټمنټ لپاره د مجهز لابراتوار جوړول؛
６-د امکاناتو او وسايلو له پلوه په نړيوالو معيارونو د درسي ټولګيو برابرول؛
７- د زده کړيالانو د شمېر له پلوه په نړيوالو معيارونو د ټولګيو برابرول.