د هلپینګ هنډ مؤسسې لخوا په کابل ښوونې او روزنې پوهنتون کې د څښاک اوبو لپاره ځانګړۍ د اوبو تصفیې فلټر افتتاح او ګټه اخیستنې ته وسپارل شو!
چهارشنبې ورځ د ١٧/١١/١٤٠٣ هـ.ش چې له ٦/٨/١٤٤٦ هـ.ق نېټې سره سمون لري د هلپینګ هنډ مؤسسې لخوا په کابل ښوونې او روزنې پوهنتون کې د ۵.۵ لکه افغانیو په لګښت د څښاک اوبو لپاره ځانګړۍ د اوبو تصفیې فلټر افتتاح او ګټه اخیستنې ته وسپارل شو، چې یو ساعت کې به ٢٠٠٠ لېتره د څښاک اوبه تصفیه کوي.
یاده افتتاحیه غونډه کې د لوړو زده کړو وزارت بهرینو اړیکو ریاست پلاوي، کابل ښوونې او روزنې پوهنتون معاونینو، اداري آمرینو او هلپېنګ هنډ مؤوسسې مسؤولینو ګډوون درلود.
لومړۍ، د کابل ښوونې او روزنې پوهنتون مالي او اداري چارو مرستیال ښاغلي مولوي حضرت ولي"زبیر" او علمي چارو مرستیال ښاغلي پوهنمل دوکتور قدرت الله "عمرخیل" په خپلو خبرو کې راغلو مېلمنو ته د ښه راغلاست ترڅنګ د یادې پروژې کارونو په بشپړېدو خوښي څرګنده کړه، زیاته یې کړه: د خوښی ځای دی چې د پوهنتون کارکوونکو ته د څښاک اوبو لپاره د تصفیې فلټر نصب شو، چې د څښاک اوبو په برخه کې د کارکوونکو ستونزې تر ډېره حل شوې، همدارنګه یې د مؤوسسې مسؤولینو ته په وینا کې وویل: هیله لرو چې په نورو برخو کې له پوهنتون سره خپلې مرستي جاري وساتئ.
وروسته، د یاد شرکت مسؤول ښاغلي همایون "نوري" د یادې پروژې په بشپړېدو خوښي څرګنده کړه، زیاته یې کړه: مونږ هر ډول همکارۍ ته چمتو یو او غواړو چې راتلونکې کې په نورو برخو کې هم خپلو همکاریو ته دوام ورکړو.
