کابل ښوونې او روزنې پوهنتون د والیبال سیالیو پرانېست غونډه تر سره شوه!
سې شنبې ورځ د ٢٥/١٢/١٤٤٥ هـ.ق. چې له ١٢/٤/١٤٠٣ ه.ش نېټې سره سمون لري، د کابل ښوونې او روزنې پوهنتون معاونینو، پوهنځیو رئیسانو، استادانو، اداراي آمرینو، کارمندانو او محصلینو په ګډون د کابل ښوونې او روزنې پوهنتون د والیبال سیالو غونډه د کابل ښوونې او روزنې پوهنتون په جمنازیوم کې پیل شوې.
غونډه د قرآن کریم د څو مبارکو آیاتونو په تلاوت سره پیل شوه.
لومړی د کابل ښوونې او روزنې پوهنتون محصلانو چارو مرستیال ښاغلي قاضي عبدالعزیز “عزیزي” د غونډې ګډون کوونکو ته د ښه راغلاست ترڅنګ د سیالیو اړوند وویل: یادې سیالۍ به د کابل ښوونې او روزنې پوهنتون نه ګوني پوهنځیو او اداري کارمندانو ترمنځ چې لس(١٠) ټيمه ګډون لري په یوه آرامه او ډاډمنه فضا کې ترسره شي.
همدارنګه، نوموړي په خپلو خبرو کې له ټولو لوبغاړو وغوښتل چې د سیالۍ په لړۍ کې اخلاقي، اسلامي او ورزشي اصول رعایت کړي ترڅو لوبې په ښه او ارامه فضا کې ترسره شي.
د غونډې په جریان کې د علمي چارو مرستیال ښاغلي پوهاند دوکتور جمشېدخان "رشیدي" د ورزش اهمیت اړوند خبرې وکړې، زیاته یې کړه چې هیله مند یم یادې سیالۍ د سولې او ورور ولۍ په فضا کې پای ته ورسیږي، زیاته یې کړه: کوښښ کوو چې په نورو برخو کې هم داسې تورنمټونه برابر کړو.
د یادونې وړ ده چې روان کال د کابل ښوونې او روزنې پوهنتون والیبال سیالیو کې لس ټیمه ګډون لري.
په آخر کې د دعایې له وروسته د ټولنیزو علومو او تربیتي او مسلکي علومو پوهنځیو ترمنځ او اداري کارمندانو او اسلامي علومو پوهنځي ترمنځ د ټیمونو ترمنځ یادې سیالۍ رسماً پیل شوې.
