کابل ښوونې او روزنې پوهنتون محصلینو ته د دیني -اصلاحي درسونو لړۍ په جریان کې "فکري روزنې" سرلیک لاندې موضوع تدریس شوه!
دوشنبې ورځ د ١١/۴/١٤٠٣ ه.ش چې له ٢٤/۱۲/۱۴۴۵ ه.ق نېټې سره سمون لري د پوهنتون د رهبری او دعوت او ارشاد څانګې په همغږۍ چې محصلینو ته کوم دیني-اصلاحي درسونه پیل شوي دي، د یادو درسونو په جریان کې "فکري روزنې" تر سرلیک لاندې موضوع د شیخ الحدیث سید بشیر آغا "هاشمي" له لوري د یاد پوهنتون محصلینو ته تدریس شوه.
ښاغلي "هاشمي" د تدریس په جریان کې محصلینو ته د اسلام مبارک دین ته احترام او خدمت کولو، سیرت او صورت د اسلام مبارک دین په اصولو برابرولو، نبوي سنتونو باندې ځان آراسته کولو، فکر او عقل له لارې د کایناتو پیدایښ اړوند فکر کولو او د اسلام مبارک دین په سمه توګه پېژندلو اړوند ارزښمندې خبرې وکړې.
د یادونې وړ ده چې د تدریس په پای کې ښاغلي شیخ الحدیث سید بشیر آغا "هاشمي" د محصلینو سوالونو ته قانع کوونکي ځوابونه ورکړل.
