کابل ښوونې او روزنې پوهنتون علمي چارو معاونیت اړوند د استادانو مسلکي پراختیا آمریت له لوري د پوهنتون استادانو لپاره" د تدریس په مېتود کې د انتقادي تفکر د کلتور ترویج" ترسرلیک لاندې یو ورځنۍ ښوونیز-لارښودي ورکشاپ دایر شو!
یاد ورکشاپ د استادانو مسلکي پراختیا آمر، یاد مرکز مسؤلینو او مختلفو پوهنځیو استادانو په ګډون پیل شو او د ورکشاپ هدف او موخه دا وه چې استادان د تدریس له نويو مېتودونو، په ځانګړي ډول د انتقادي تفکر د پیاوړتیا په ارزښت او عملي لارو چارو سره بلد شي.
د استادانو مسلکي انکشاف آمر ښاغلي پوهنوال دوکتور عبدالجبار "څپاند" د ورکشاپ ارزښت او موخو اړوند هراړخیزې خبرې وکړې، زیاته یې کړه: زمونږ ټولنه هغو استادانو ته اړتیا لري چې یوازې معلومات ورنه کړي، بلکې محصلین فکر کولو، تحلیل او د ستونزو حل ته وروزي. انتقادي تفکر د معیاري زدهکړو بنسټ دی او موږ هڅه کوو چې دا کلتور د تدریس په ټولو مېتودونو کې پیاوړی کړو.
یاد ورکشاپ د ښاغلي پوهنمل محمدیاسین"قنبري" لخوا وړاندې شو او له استادانو سره یې په تدریسي میتیودونو کې د انتقادي کلتور ترویج کولو اړوند هراړخیز معلومات شریک کړل.
ورکشاپ د دعایې په ویلو سره پای ته ورسېد.
