کابل ښوونې او روزنې پوهنتون رئیس د سلام خصوصي پوهنتون له مسؤولینو سره لیدنه وکړه!
چهارشنبې ورځ د ٨/١٠/۱۴۴۵ هـــ.ق. چې له ٢٩/١/١٤٠٣ ه.ش نېټې سره سمون لري د کابل ښوونې او روزنې پوهنتون رئیس ښاغلي شیخ الحدیث مولوي سید بشیرآغا "هاشمي" د سلام خصوصي پوهنتون له مسؤولینو سره په خپل کاري دفتر کې لیدنه وکړه.
لومړي، د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" د سلام پوهنتون مسؤولینو ته د ښه راغلاست ترڅنګ، له مسؤولینو سره یې د پوهنتون اړونده پوهنځیو، استادانو، ماسترۍ برنامو، دوکتورا برنامې، کتابتون او لابرتوارونو په هکله اړین معلومات شریک کړل.
وروسته، د سلام پوهنتون مسؤولینو د یادې غونډې اړوند وویل: خوښ یو چې کابل ښوونې او روزنې پوهنتون ته راغلو او هیله لرو چې راتلونکي کې د دواړو پوهنتونونو تر منځ د دوه اړخیزو همکاریو هوکړه لیک لاسلیک شي.
د غونډې په جریان کې د دواړو خواوو لخوا د هېواد په تعلیمي او تحصیلي برخو بحث او خبرې وشوې.
د یادولو وړ ده چې د هوکړه لیک متن په (علمي، تحقیقي، سیمیارونو او ورکشاپو دارېدلو او د دواړو خواوو ترمنځ د نظرونو تبادلې) برخو کې لیکل شوی او په نږدې ورځو کې به لاسلیک شي.
غونډه د خیر دعا په ویلو سره پای ته ورسېده.
