د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" د یاد پوهنتون له محصلینو سره لیدنه وکړه!

شنبې ورځ د 25/6/1402 هـ.ش چې له 30/2/1445 هـ.ق نېټې سره سمون لري د کابل ښوونې او روزنې پوهنتون رئیس د ژبو او ادبیاتو او طبیعي علومو پوهنځیو له محصلینو سره لیدنه کړه.

غونډه د قرآنکریم د څو مبارکو آیاتونو په تلاوت سره پیل شوه.

په یاده غونډه کې د پوهنتون رئیس، علمي چارو مرستیال، محصلانو چارو او دعوت او ارشاد څانګو آمرینو او د یادو پوهنځیو استادانو او محصلینو ګډون درلود.

د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" په خپلو خبرو کې وویل: چې یاده غونډه محصلین خپلو مسؤولیتونو ته د متوجه کولو په پار نیول شوې .

زیاته یې کړه: ګرانو محصلینو تاسو د هېواد راتلونکې او سرمایه یاست، خپلو مسؤولیتونو ته متوجه شئ د پوهنتون اصول او قوانینو ته په کتو خپل درسونه پر مخ یوسئ او د خپلو استادانو احترام وکړئ.

ښاغلي “هاشمي” د یادو پوهنځیو محصلینو ته د احترام، صداقت، ایماندارۍ، اخلاص، اخلاقو او ريښتینولۍ په برخو کې اړینې سپارښتنې وکړې.

غونډه د دعایې په ویلو سره پای ته ورسېده.