د شهید استاد رباني ښوونې او روزنې پوهنتون او د ځوانانو د تعلیم او ځواک ورکولو ملاتړې موسسې ترمنځ هوکړه لیک لاسلیک شو
د ۱۳۹۹ کال شنبې ورځ د کب په ۱۶مه، د شهید استاد رباني ښوونې او روزنې پوهنتون او د ځوانانو د تعلیم او ځواک ورکولو ملاتړې موسسې ترمنځ، د دې پوهنتون محصلانو چارو مرستیال او د یادې شوې موسسې مرستیالې له خوا دوه اړخیزه هوکړه لیک لاسلیک شو. د دغه تفاهم لیک هدف د دوه اړخیزو همکاریو رامینځته کول او د شهید استاد رباني ښوونې او روزنې پوهنتون زده کونکو لپاره د ظرفیتونو لوړولو برنامې چمتو کول ښودل شوي دي.
په دې ناسته کې د شهید استاد رباني ښوونې او روزنې پوهنتون رییس آغلې پوهنوال لیلما شریفي یما، د پوهنتون محصلانو چارو مرستیاله آغلې پوهندوي ذکیه ظاهرشریفیان، د پوهنتون د محصلینو خدماتو همغږي آمر آغلې راضیه عمر، د پوهنتون د کاري مهارتونو روزنې روزونکی ښاغلي عبدالرشید سامع، د ځوانانو د تعلیم او ځواک ورکولو ملاتړې موسسې مرستیاله آغلې سحرافشار او د نوموړې موسسې یو شمیر غړو برخه اخیستې وه.
