کابل ښوونې او روزنې پوهنتون محصلینو ته " د عمومي کتابتون پېژندنې، د ګټې اخیستنې مکانیزم او مطالې ارزښت" ترسرلیک لاندې علمي سیمینار وړاندې شو!
دوشنبې ورځ د ١٥/٣/١٤٤٧ ه.ق چې له ١٧/٦/١٤٠٤ ه.ش نېټې سره سمون لري د کابل ښوونې او روزنې پوهنتون محصلینو ته " د عمومي کتابتون پېژندنې، د ګټې اخیستنې مکانیزم او مطالې ارزښت" ترسرلیک لاندې علمي سیمینار وړاندې شو.
غونډه د قرآنکریم د څو مبارکو آیاتونو په تلاوت سره د پوهنتون رئیس، څېړنو او علمي محلو مرستیال، کتابتون آمر، اداري کارمندانو او محصلینو په ګډون پیل شوه.
لومړۍ، د کابل ښوونې او روزنې پوهنتون رئیس ښاغلي شیخ الحدیث سید بشیر آغا"هاشمي" د پیل وینا وکړه، په خپلو خبرو کې د څېړنو او علمي مجلو معاونیت څخه مننه وکړه چې یاد سیمینار یې دایر کړ همدارنګه یې محصلینو ته د کتابتون نظم او اصولو مراعات کولو، په آرامه فضا کې د مطالعې کولو، د مطالعې وخت پېژندلو، په خپلو تحصیلي رشتو کې د څېړنو په پار د کتابتون له کتابونو څخه ګټه اخیستلو او د مطالعې ارزښت او ګټو اړوند اړینې سپارېښتنې وکړې.
وروسته، د عمومي کتابتون آمر ښاغلي داکټر سمیع الله"سعید" خپلو خبرو کې محصلین مطالعې او څېړنو ترسره کولو ته وهڅول او د کتابتون جوړښت او تشکیل، کتابونو شمېر، دیجیلټي کتابتون ګټو او مطالعې ارزښت اړوند هړاخیزې خبرې وکړې.
یاد سیمینار د ښاغلي مدیر صاحب حفیظ الله"جهادوال" لخوا د اسلامي علومو او اراوپوهنې پوهنځیو محصلینو ته وړاندې شو.
په پای کې د محصلینو سوالونو ته د ښاغلي "جهادوال" لخوا قانع کوونکي ځوابونه ورکړل شول.
