کابل ښوونې او روزنې پوهنتون (۵۰) تنه محصلین د علمي او تاریخي سفر په ترڅ کې د غزني، زابل او قندهار ولایتونو په لور روان شول!
سې شنبې ورځ د ١٨/١٠/١٤٠٣ هـ.ش چې له ٦/٧/١٤٤٦ هـ.ق نېټې سره سمون لري د کابل ښوونې او روزنې پوهنتون (۵۰) تنه محصلین د علمي او تاریخي سفر په ترڅ کې د غزني، زابل او قندهار ولایتونو په لور روان شول.
په یاد سیر علمي کې د کابل ښوونې او روزنې پوهنتون محصلانو چارو مرستیال، اطلاعاتو، نشراتو او عامه اړیکو او د دعوت او ارشاد څانګو آمرینو، استادانو، محصلانو خدماتو چارو مسؤولینو او (٥٠) تنو محصلینو ګډون درلود.
د کابل ښوونې او روزنې پوهنتون محصلانو چارو مرستیال ښاغلي مولوي رحمان ګل"وثیق" او د اطلاعاتو، نشراتو او عامه اړیکو آمر ښاغلي مولوي ایام الدین"محب" په خپلو خبرو کې محصلینو ته د ښه سفر غوښتلو ترڅنګ د سفر ادابو مراعات کولو، یاد علمي سفر ارزښت، غزني، زابل او قندهار ولایتونو تاریخي او دیني ځایونو او له هغو څخه لیدنې او زابل ولایت کې د امیرالمومنین(رح) زیارت کولو اړوند هراړخیزې خبرې وکړې او محصلینو ته یې په راتلوونکې کې د نورو سیر علمي برنامو ترتیب کولو وعده ورکړه، زیاته یې کړه: د یاد سیر علمي هدف او موخه مو د غزني او قندهار ولایتونو تاریخي او دیني ځایونو څخه لیدنې ترڅنګ په زابل ولایت کې د امیرالمومنین(رح) زیارت کول دي، زیاته یې کړه: کوښښ وکړئ چې له دې سیرعلمي څخه ډک لاسونه بېرته راستانه شئ.
یاد سیر علمي چې د پوهنتون رئیس صاحب په هدایت د محصلانو خدماتو چارو آمریت لخوا د مالي آمریت په همکارۍ ترسره کیږي، محصلین به د غزني او قندهار ولایتونو له تاریخي، دیني او باستاني برخو څخه د لیدنې ترڅنګ په زابل ولایت کې د امیرالمومنین(رح) مبارک زیارت ته هم ورشي.
