کابل ښوونې او روزنې پوهنتون او چراغ د لوړو زده کړو خصوصي مؤسسې تر منځ د دوه اړخیزو همکاریو هوکړه لیک لاسلیک شو!
یکشنبې ورځ د ٢٤/٢/١٤٠٣ ه.ش چې له ٤/١١/١٤٤٥ ه.ق نېټې سره سمون لري د کابل ښوونې او روزنې پوهنتون او چراغ د لوړو زده کړو خصوصي مؤسسې تر منځ د دوه اړخیزو علمي او تحقیقي برخو کې هوکړه لیک د کابل ښوونې او روزنې پوهنتون رئیس ښاغلي مولوي شیخ الحدیث سید بشیر آغا "هاشمي" او چراغ د لوړو زده کړو خصوصي مؤسسې د علمي چارو مرستیال ښاغلي دوکتور محمد یاسین "حکیمي" ترمنځ لاسلیک شو.
د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا"هاشمي" د یاد هوکړه لیک اړوند خوښي څرګنده کړه او د چراغ د لوړو زده کړو خصوصي مؤسسې علمي چارو مرستیال ته یې د هوکړه لیک په عملي کولو ډاډ ورکړ.
یاد هوکړه لیک چې په شپږو مادو کې ترتیب شوی د کابل ښوونې او روزنې پوهنتون او چراغ د لوړو زده کړو خصوصي مؤسسې ترمنځ د ( په علمي او تحقیقي برخو کې د دواړو اړخیزو ګډه همکاريو) اړوند لاسلیک شو.
د یادولو وړ ده چې د دوه اړخیزو همکاریو یاد هوکړه لیک به پینځه کاله د دواړو خواوو ترمنځ ادامه ولري.
یاده غونډه د هوکړه لیک په لاسلیک او دعایې ویلو سره پای ته ورسېد.
