د کابل ښوونې او روزنې پوهنتون کې د دیني -اصلاحي درسونو لړۍ په نورمال ډول جریان لري!
د کابل ښوونې او روزنې پوهنتون محصلینو دیني - اصلاحي درسونو لړۍ چې د لوړو زده کړو وزارت، کابل ښوونې او روزنې پوهنتون رهبرۍ، د دغه پوهنتون د دعوت او ارشاد څانګې په همغږۍ سره پیل شوي دي په نورمال ډول جریان لري.
دوشنبې ورځ د 10/7/1402ه.ش چې له 17/3/1445ه.ق نېټې سره سمون لري د یادو درسونو په جریان کې د (اسلامي تمدن) تر سرلیک لاندې موضوع د شیخ الحدیث مولوی شاکرالله"وحدت" له لوري د نوموړي پوهنتون محصلینو ته تدریس شوه.
ښاغلي "وحدت" د تدریس په جریان کې محصلینو ته د اسلامي قیادت، د تاریخ په اوږدو کې د مسلمانانو حاکمیتونو، د اسلامي تاریخ ویاړونو، د اسلام پرمختګ د قومي، ژبني، سمتي تعصباتو په له منځه وړلو او دیني او عصری علومو ته په توجه کولو اړوند ارزښمندې خبرې وکړې.
د یادونې وړ ده چې د تدریس په پای کې ښاغلي شیخ الحدیث مولوي شاکرالله "وحدت" د محصلینو سوالونو ته قانع کوونکي ځوابونه ورکړل.
