کابل ښوونې او روزنې پوهنتون د دېپارتمنټونو آمرینو ته د (HEMIS) معلوماتي سیسټم ښوونیز ترنېنګ !
سه شنبې ورځ د 23/12/1444 هـ.ق چې، له 20/4/1402 هــ.ش سره سمون لري د پوهنتون معلوماتي تکنالوژۍ څانګې د دېپارتمنټونو آمرینو ته د (HEMIS) معلوماتي سیسټم د زدهکړې په نامه ترنېنګ جوړ کړ.
یاد ترنېنګ د نههګونو پوهنځیو د دېپارتمنټونو آمرینو ته د پوهنتون په (ICT) مرکز کې د یوې ورځې لپاره جوړ شو، په یاد ترنېنګ کې د علمي چارو مرستیال ښاغلي پوهاند دوکتور جمشېدخان “رشیدي” د پوهنتون معلوماتي تکنالوژۍ آمر ښاغلي محمدمنصور واحدي، د (HEMIS) معلوماتي سیسټم مسؤول او ترېنر ښاغلي حکمتالله همت او د دېپارتمنټونو آمرینو ګډون کړی وو.
لومړۍ د علمي چارو مرستیال ښاغلي پوهاند دوکتور جمشېدخان “رشیدي” د لوړو زدهکړو وزارت د )(HEMIS) معلوماتي سیسټم د ارزښت او په نوموړي سیسټم کې د دېپارتمنټونو آمرینو حساب(اکونټ) د ښېګڼو په اړه خبرې وکړې او ویې ویل: چې یاد سیسټم کې د دېپارتمنټونو آمرینو اکونټ جوړېدل د افغانستان په پوهنتونونو کې د پایلیک او کرېکلم برخې ثبت کولو لپاره مهم دی، همدارنګه د پروګرام له ګډونوالو یې وغوښتل چې له یاد ترنېنګ څخه پوره ګټه واخلي ترڅو په یاد سیسټم کې شته ستونزې د امکان تر حده حل شي.
وروسته د یاد پروګرام ترېنر ښاغلي حکمتالله همت د (HEMIS) سیسټم د دېپارتمنټونو آمرینو ځانګړي حساب (اکونټ) په اړه هر اړخیز معلومات وړاندې کړل، او ویې ویل چې په دې برخه کې د پوهنتون، لوړو زده کړو وزارت او د هېواد پوهنتونونو سره هر ډول همکارۍ ته چمتو دی.
ورپسې ترنېنګ عملاً پیل شو.
