د کابل ښوونې او روزنې پوهنتون د عایداتي سرچینو معلومولو کمېټې غونډه ترسره شوه!
دوشنبې ورځ د ۱۵/۳/۱۴۰۲ هـــ.ش. چې له ۱۶/۱۱/۱۴۴۴ هـــ.ق. نېټې سره سمون لري د کابل ښوونې او روزنې پوهنتون د عایداتي سرچینو معلومولو کمېټې غونډه ترسره شوه.
غونډه د قرآنکریم د څو مبارکو آیاتونو په تلاوت سره پيل شوه.
یاده کمېټه چې پکې د پوهنتون مالي او اداري چارو معاون، د پوهنتون استادانو او د تدارکاتو څانګې آمر ګډون کړی وؤ تر څو د پوهنتون په مختلفو برخو او ادارو کې د عوایدو تر لاسه کولو سرچینې پیدا او د یادو سرچینو پروژې به پیل کړي.
د مالي او اداري چارو معاون ښاغلي حاجي عبدالرحیم “زبیر” د کمېټې اړوند وویل، یاده کمېټه به د عوایدو سرچینو په پیداکولو او ایجاد کې له مونږ سره همکاري کوي ترڅو د پوهنتون عایداتي سرچینې پیدا او د پوهنتون په مختلفو برخو کې ترې کار واخیستل شي.
د یادې کمېتې غړو د مشورو او نظرونو اورولو وروسته رسماً په کارونو پیل وکړ.
په آخر کې غونډه د دعایې په ویلو سره پای ته ورسېده.
