کابل ښوونې او روزنې پوهنتون رئیس په شتون کې د ماسټرۍ بورد غونډه ترسره شوه.
دوشنبې ورځ د ۱۵/۲/۱۴۰۴ ه.ش چې له ۷/۱۱/١٤٤٦ ه.ق نېټې سره سمون لري د کابل ښوونې او روزنې پوهنتون د رئیس په شتون کې د ماسټرۍ بورد غونډه ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په خپلو خبرو کې د بورد غړو ته د ښه راغلاست ترڅنګ د ماسټرۍ برنامو او دوکتورا برنامې کې د تدریسي چارو، کریډت تکمیلولو او ورځنیو درسي ساعتونو تنظیمولو برخو کې د ټولو ستونزو حل اړوند هراړخیزي خبرې وکړې، زیاته یې کړه: په هر سمسټر کې باید د ماسټرۍ برنامو درسي کریډت له ١٤ څخه زیاد نشي، رهنما او نور استادان باید له محصلینو سره د پروژو او کنفرانسونو په جوړولو کې پوره مرسته وکړي او د نظام او پوهنتون اصولو مطابق تدرسي چاري سمبال شي.
وروسته د علمي چارو مرستیال ښاغلي پوهنمل دوکتور قدرت الله"عمرخیل" د ماسټرۍ برنامو او دوکتورا برنامو د پرمختګ او ستونزو حل اړوند له ګډوونکونکو سره هراړخیز معلومات شریک کړل.
د غونډې په جریان کې د ماسټرۍ بورد غړو د لاندې موضوګانو اړوند:
د ورځنیو درسي ساعاتونو تنظیم، سمسټروار درسي ساعتونو تنظیم، د کیفیت لوړاوي آمریت د اسنادونو ترتیب، تنظیم او استولو، فوق لېسانس آمریت ته د تېرسمسټر شقې تسلیمولو او له درسي جریان څخه د ورځني نظارت اړوند بحث او خبرې وکړې .
غونډه د دعایې په ویلو سره پای ته ورسېده.
