لوړو زده کړو وزارت قدرمن وزیر صاحب د کابل ښوونې او روزنې پوهنتون د علمي شورا غړو سره لیدنه وکړه!
چهارشنبې ورځ د ١٠/٢/١٤٠٤ ه.ش چې ١١/١٤٤٦/ ٢ هـ.ق نېټې سره سمون لري، الحاج شیخ الحدیث والتفسیر مولوي نداء محمد “ندیم” د کابل ښوونې او روزنې پوهنتون رئیس، معاونینو او علمي شورا غړو سره لیدنه وکړه.
غونډه د قرآنکریم د څو مبارکو آیتونو په تلاوت سره پیل شوه.
لومړۍ، د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا “هاشمي” د پوهنتون د رهبرۍ په استازیتوب د لوړو زده کړو وزارت وزیر صاحب او د علمي شورا غړو ته د ښه راغلاست ترڅنګ په خپله وینا کې د پوهنتون د پرمختګونو په اړه معلومات وړاندې کړل، زیاته یې کړه: استادان او د پوهنتون اداري کارمندان په پوره ریښتینوالي، ټینګې ارادې او ایماندارۍ سره خپل مسئوولیتونه او دندې په منظم ډول ترسره کوي.
همدارنګه، ښاغلي “هاشمي” د لوړو زده کړو وزارت له رهبرۍ څخه د نویو ماسټرۍ او دوکتورا برنامو اېجادولو، پوهنتون کې د تدریسي او اداري بلاکونو جوړولو، لیلیې، مجهز کتابتون او لابراتوارونو جوړولو په برخه کې د همکاري غوښتنه وکړه، زیاته یې کړه: پوهنتون ته د بودیجې په ځانګړي کولو کې د یادو مسایلو حل کېدلو حل لاره کې ډېره مرسته کوي.
د غونډې په جریان کې استادانو په نوبت سره وزیر صاحب ته خپل وړاندیزونه او نظریات وړاندې کړل.
وروسته، د لوړو زده کړو وزارت قدرمن وزیر صاحب ښاغلي الحاج شیخ الحدیث والتفسیر مولوي نداء محمد “ندیم” د کابل ښوونې او روزنې پوهنتون مشرتابه پلاوي او استادانو څخه د مننې او قدردانۍ ترڅنګ په خپله وینا کې د کابل ښوونې او روزنې پوهنتون مشرتابه پلاوي او استادانو له لوري د شریکو شوو ستونزو د حل لپاره د پوره همکارۍ او شته ستونزو د حل وعده وکړه.
ښاغلي وزیرصاحب زیاته کړه: چې نن ورځ الحمدالله د هېواد په کچه یو اسلامي حکومت حاکم شوی دی د هېواد ټول وګړي بې له کوم تعصب، سمت پالنې، مذهب، قومي او ژبنیز توپیر په یوه امن او د ورورولۍ فضا کې ژوند کوي او هڅې دې وشي تر څو هر وګړی چې د حکومت په هره برخه کې دنده ترسره کوي خپله دنده او مسئوولیتونه دې په پوره ریښتینوالي، ایماندارۍ او امانتدارۍ ترسره کړي او استادانو ته یې د په کارونو کې صداقت، تدریسي چارو کې زیار او کوښښ، اطاعت، نېکو اخلاقو او په نبوي سنتونو ځانونو برابرولو اړوند اړینې سپارېښتنې وکړې.
همدارنګه ښاغلي وزیر صاحب د پوهنتون د تکمیل شویو پروژو له فعالیتونو او کارونو څخه لیدنه وکړه.
