کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د اختصاصي علومو پوهنځي استادانو سره غونډه ترسره کړه!
یکشنبې ورځ د ۱۴/٥/١٤٠٣ هـ.ش چې له ۲۹/١/١٤٤٦ هـ.ق نېټې سره سمون لري د کابل ښوونې او روزنې پوهنتون رئیس د اختصاصي پوهنځی استادانو سره غونډه ترسره کړه.
غونډه د قرانکریم د څو مبارکو آیاتونو په تلاوت سره د پوهنتون رئیس، علمي چارو مرستیال، اختصاصي علومو پوهنځي رئیس او استادانو په ګډون پیل شوه.
لومړۍ، کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د غونډې ګډوونکونکو ته د ښه راغلاست ترڅنګ، وویل: خوښ یو چې له تاسو سره غونډه کې ګډوون کوو، یاده غونډه مو د استادانو نظرونو او وړاندیزونو اورېدلو او په شفافه توګه د ازموینو مخته وړلو په پار نیولې.
ښاغلي “هاشمي” استادانو ته د محصلینو فکري روزنې، په ازموینو کې د شفافیت شتونوالي، په تدریسي چارو کې د ستونزو حل او د پوهنتون اصولو او مقرراتو مطابق د تدریسي چارو مخته وړلو اړوند اړینې سپارښتنې وکړې.
د غونډې په پای کې ښاغلي "هاشمي" د استادانو د نظرونو او وړاندیزونو اورېدلو وروسته، د هغو په عملي کولو تعهد او ټينګار وکړ.
غونډه د دعایې په ویلو سره پای ته ورسېده.
