کابل ښوونې او روزنې پوهنتون د (۱۴۰۳) کال " پسرلني سمسټر" وروستنی ازموینې پیل شوې!
شنبې ورځ د ٢١/١/١٤٤٦ هـ ق چې له ٦/٥/١٤٠٣ ه.ش نېټې سره سمون لري د کابل ښوونې او روزنې پوهنتون د (١٤٠٣) کال " پسرلني سمسټر" وروستنی ازموینې په پوره شفافیت او ډاډ منه فضاء کې پیل شوې.
د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" او محصلانو چارو معاون ښاغلي قاضي عبدالعزیز "عزیزي" د بېلابېلو پوهنځیو د امتحانونو له صحنې څخه له نیږدې لیدنه وکړه او د پوهنتون محصلینو ته یې د شفافیت، امانتدارۍ، نظم او ډسپلین په اړه ډاډ ورکړ.
همدارنګه، د پوهنتون رئیس ښاغلي "هاشمي" ټولو استادانو ته د لوړو زده کړو وزارت د اصولو او مقرراتو مطابق د ازموینو اخیستلو اړوند اړینې سپارښتنې وکړې چې د استادانو لخوا د پوره روڼتیا او شفافیت اطمینان ورکړل شو.
