کابل ښوونې او روزنې پوهنتون محصلینو ته "د څېړنې رویشونو" ترسرلیک لاندې علمي سیمینار وړاندې شو!
چهارشنبې ورځ د ١٩/١٢/١٤٤٥ ه.ق چې له ٦/٤/١٤٠٣ ه.ش نېټې سره سمون لري د کابل ښوونې او روزنې پوهنتون فرهنګې کمېټې لخوا د دعوت او ارشاد، د محصلانو خدماتو چارو او اسلامي ثقافت آمریتونو په همغږۍ، محصلینو ته د "څېړنې رویشونو" تر سرلیک لاندې علمي سیمینار وړاندې کړ.
غونډه د قرآنکریم د څو مبارکو آیاتونو په تلاوت سره پیل شوه.
په یاده غونډه کې د پوهنتون محصلانو چارو معاون، استادانو، اداري آمرینو او محصلینو ګډون درلود.
لومړۍ، د کابل ښوونې او روزنې پوهنتون محصلانو چارو معاون ښاغلي قاضي عبدالعزیز"عزیزی" په خپلو خبرو کې د کابل ښوونې او روزنې پوهنتون له مسؤولینو څخه چې یاد سیمینار ته یې زمینه برابره کړې، منندویې وکړه، او محصلینو ته یې د څېړنې او خپلو زده کړو کې د پوره کوښښ کولو اړوند اړېنې سپارېښتنې وکړې.
یاد سیمینار د اجتماعي علومو پوهنځي استاد ښاغلي دوکتور رضا "عارفي" لخوا وړاندې شو.
