کابل ښوونې او روزنې پوهنتون د ژبو او ادبیاتو پوهنځي د انګلیسي ډیپارټمنټ لخوا مختلف کتابونه نندارې ته وړاندې شول!
دوشنبې ورځ د 21/3/1403 هـ.ش چې له 3/12/1445 هـ.ق نېټې سره سمون لري د کابل ښوونې او روزنې پوهنتون د ژبو او ادبیاتو پوهنځي د انګلیسي ډیپارټمنټ لخوا مختلف کتابونه نندارې ته وړاندې شول.
په یاد نندارتون کې د کابل ښوونې او روزنې پوهنتون رئیس، د پوهنتون معاونینو، ژبو او ادبیاتو پوهنځي رئیس، استادانو او محصلینو ګډون درلود.
د کابل ښوونې او روزنې پوهنتون رئیس ښاغلي شیخ الحدیث سید بشیرآغا"هاشمي" په خپلو خبرو کې له مسؤولینو څخه مننه وکړه چې یاده برنامه یې دایره کړې وه، زیاته یې کړه: ګرانو محصلینو! تاسو د هېواد راتلوونکي یاستئ، باید هره برخه کې تحقیق وکړئ، له مختلفو کتابونو څخه د مطالعې لپاره ګټه واخلئ، خپل اضافي وخت د کتابونو په مطالعه سره تېر کړئ او خپل هېواد ته د خدمت جوګه وګرزئ.
وروسته، د انګلیسي ډیپارټمنټ استاد ښاغلي پوهنیار عبدالله "مخلص" چې یاده برنامه یې په لار اچولې وه، ویې ویل: د دې برنامې هدف او موخه د انګلیسي ادبیاتو له کتابونو سره د محصلینو بلدتیا، ادبیاتو اساساتو سره بلدتیا، مطالعې لپاره د انګېزې پیداکولو او د محصلینو تشویق کولو په پار دایره شوې ده.
همدارنگه، محصلینو سره د انگلیسي ادبیاتو دانشمندانو او د ادبیاتو اساساتو اړوند هراړخیز معلومات شریک شول.
