کابل ښوونې او روزنې پوهنتون د معلوماتي تکنالوژۍ څانګې لخوا د ټولنیزو او طبیعي علومو پوهنځیو رئیسانو، دیپارټمنټونو آمرینو، استادانو او تدریسي مدیرانو ته د برېښنایې زده کړو HELMS ورکشاپ دایر کړ!
پنجشنبې ورځ ٧/٦/۱۴۴۵ هــ ق چې له ٣٠/٩/١٤٠٢ه.ش نېټې سره سمون لري د کابل ښوونې او روزنې پوهنتون د معلوماتي تکنالوژۍ څانګې لخوا ټولنیزو او طبیعي علومو پوهنځیو رئیسانو، دیپارټمنټونو آمرینو، استادانو او تدریسي مدیرانو ته د پوهنتون د معلوماتي تکنالوژۍ څانګې په ICT دفتر کې د (برېښنایي زده کړو پېژندنې، برېښانیي زده کړو اهدافو، برېښنایي زده کړو ضرورتونو او برېښنایي زده کړو میتودونو) HELMS اړوند، ورکشاپ د کابل ښوونې او روزنې پوهنتون رئیس، علمي چارو مرستیال، پوهنځیو رئیسانو، دیپارټمنټونو آمرینو، معلوماتي تنکالوژۍ آمر، دعوت او ارشاد آمر، استادانو او تدریسي مدیرانو په ګډون پيل شو.
یاد ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون علمي چارو مرستیال ښاغلي دوکتور پوهاند جمشېد خان"رشیدي" د غونډې ګډوونکونکو ته د ښه راغلاست ترڅنګ، د یاد ورکشاپ او برېښنایي زده کړو ارزښت او ضرورتونو اړوند خبرې وکړې، زیاته یې کړه: یاد ورکشاپ د پوهنتون معلوماتي تکنالوژۍ څانګې لخوا تېره اوونۍ د ژبو او ادبیاتو او اختصاصي علومو پوهنځیو ته دایر شوی وو او په یاد ورکشاپ کې یې د ټولو استادانو په ګډون کولو تأکید وکړ.
وروسته، د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" د ورکشاپ له جریان څخه د نږدي لیدنې وروسته د برېښنایې زده کړو استفادې او برېښنایي زده کړو ضرورتونو اړوند هر اړخیزي خبری وکړې او استادانو ته یې د ورکشاپ څخه ګټې اخیستنې او محصلینو ته د آسانیتاوو برابرولو اړوند لازمې سپارېښتنې وکړې.
په آخر کې، د ښاغلي پوهنوال همایون "غفوري" لخوا د برېښنايي زده کړو ورکشاپ رسماً پیل شو.
