د کابل ښوونې او روزنې پوهنتون کې د مرکزي پوهنتونو د اسلامي ثقافت د علمي کادرنو، امامانو او مبلغینو لپاره مسلکي (تحریري) آزموینه واخېستل شوه !
د کابل ښوونې او روزنې، طبي پوهنتون او پولي تخنیک پوهنتونونو د اسلامي علومو د ثقافت څانګو د علمي کادرونو د بریالیو نوماندانو څخه د مسلکي آزموینې د اخیستو بهیر، د شنبې ورځ (۶/۲/۱۴۴۴) نېټه د لوړو زده کړو وزیر محترم مولوي الحاج عبدالباقي "حقاني"، د علمي چارو معین دکتور لطف الله " خیر خواه " د مالي او اداري چارو معین مولوی حافظ محمد حامد " حسیب " د دعوت او ارشاد رئیس شیخ شاکرالله " وحدت " د تقرر او علمي ترفیعات رئیس مفتاح الدین " عزام " او ورسره مل پلاوي، د کابل ښوونې او روزنې پوهنتون د علمي چارو معین پوهاند جمشیدخان"رشیدي" د وزارت ځانګړی استازی او د پوهنتون مالي او اداري چارومعین انجینر سردارولي" صالحی" د پوهنتون د اسلامي علومو پوهنځي رئیس پوهنمل عبدالقدوس"مظهري" او د څارنې کمیټې غړو په حضور کې، د کابل ښوونې او روزنې پوهنتون کې د عمومي غونډو په تالار کې آزموېنه واخېستل شوه،
د پوهنتون د علمي چارو معین ښاغلي پوهاند جمشید خان "رشيدي" او د مالي او اداري چارو معین انجینر سردارولي "صالحي" د آزموینې له بهیر څخه د څارنې پرمهال د دې پروسې د شفافیت او امانتدارۍ، نظم او ډسپلین په اړه ټولو حاضرینو ته ډاډ ورکړ، همدارنګه یې څرګنده کړه چې په پوهنتونونو کې د علمي کادر د استخدام معیار د کاندیدانو وړتیا ته په کتو سره ترسره کېږي.
د یادونې وړه ده چې، په دې آزموینه کې (۱۸۳) د عربی ژبې بریالیو کاندیدانو نارینه او ښځینه وو ګډون درلود .
